Onggal dan Dangol

HUMOR DAN LAWAK BATAK TAPANULI

Pada suatu hari Onggal dan Dangol dipardalanan mulak sikkola. Tarbereng si Onggal ma sesuatu mirip dompet di nadao.
"aha do an Dangol?, hera dompet" inna si Onggal. "didia?" inna si Dangol tarheran heran.

"nian..." inna si Onggal sambil ditudu ibana tangan na. Dung tarbereng si Dangol pintor marikkati ibana sagogo gogona, dompet, inna rohana. Pintor marikkati muse si Onggal, au do parjolo mamereng, inna rohana.

Marlubba ma halak i, sarupa kencangna, rap sahat ma halak i, pintor rap mallumpat halak i mambuat dompet i, laos rap tangan ni halak i maniop dompet i. Marsitarik tarikan ma halak i, margulasai margulat ditano sampe martano tano baju ni halak i. Sai marsitarikan halak i sai marsirampusan. Ujung na maribak ma dompet i, sambariba be halak i. Marsiberengan ma halak i, laos rap mekkel sambil hosa hosa, ai kosong do dompet i.

Onggal: "nga maribak bajuku, alani ho ma i" (sambil hosa hosa)

Dangol: "sarupa do, bajuku pe maribak do dibahen ho, nirippu adong hepengna, haha.."

Onggal: "ima dah, au pe hurippu do adong hepeng na"

Sambil lanjut halaki mardalan,
Onggal: "molo adong nangkin hepeng di dompet i sajuta, bohado?

Dangol: "bah tabagi dua"

Onggal: "akhh.. tabo ma dihilala ho, au do parjolo mamereng, pitu ratus ribu di au, tolu ratus ribu di ho"

Dangol: "bahh, nang pe ho parjolo mamereng, molo au do parjolo mambuat? ingkon bagi dua do bah, goar na pe na mardongan"

Onggal: "akhh.. dang olo au, aha do labaku parjolo mamereng?"

Dangol: "bahh, aha do lapatan na hita mardongan rap sadalanan? bagi dua (mulai dengan suara keras)

Onggal: "dang olo au bagi dua, mardongan, mardongan ma, alai ikkon marlaba do na parjolo" (mulai naek emosi)

Dangol: "dongan sirabun do ho hape"

Onggal: "aaaa... ho do sirabun"
pintor ditumbukhon ibana si Dangol, tor dibalas si Dangol muse, marmabada martsitoparan ma halak i alani "MOLO ADONG".

Ueeyyy... hamuna akka pangisi ni Grup on... tola i hamu jo si Dangol dohot si Onggal on... nungnga martopar halak i alani angan angan....

BY Ayah Anre Simarmata - HUMOR DAN LAWAK BATAK TAPANULI