NDANG ARTA PORTIBI DI AHU

NDANG ARTA PORTIBI DI AHU

Uju dihaposoonmu,
Huanju doho molo tangis
Huelek molo mardandi,
Hutanta, huabing, humeme doho.

Hu taon udan, hubolus haba haba
Laho parsingkolahon ho
Maniak, margorrok siubeon
Dada hupardulihon
Asal ma dapot santopak,
Laho hepeng tu parsingkolaanhu.

Las situtu ma rohangki amang
Dapotmu, jumpangmu napinarsintam.

Alai....

Nungga be rambonon simalolongku,
Pamangan hallang manghatai,
Sipata sohuboto be mamilangi sahat tu sampulu,
Boasa ma sai tading di podomanhon ahu?

Arian borngin
Sai sahalakku dijabu na bolon on,
Husorangkon ho amang asa adong do mandongani ahu.

Dang arta portibi nadihalomohon rohangku amang.
Lehon jo tingku manggait gaiti ahu inongmon.

Lungun hulala di jabu nabolon on sasada ahu amang...

BY. Simanjuntak Apul