ANGKA NA MARBAO

HUMOR DAN LAWAK BATAK TAPANULI

Adong ma dua Keluarga na marhombar jabu
Na mariboto do nasida. Ai warisan sian natoras nasida do jabu nadua i.
tabahen ma goar nasida : Keluarga A nialapna B

Keluarga C nialapna D
A dohot D mariboto
B dohot C marbao
molo di rupa B BONTAR jala si D BIRONG.
Ala bontar ni si B gabe solo ma roha ni si C marnida . Hape di halak Batak pantang do nanggo manghatai na marbao. Gabe marsahit lungun ma ibana tu si B. Pola mangeruni matemate ne. Disungkun si D do nian aha do sahitna i, alai maila paboahon.
Ujungna ala na lam posi sahiti disungkun nialapna si D ma
D : Nunga lam posi hubereng sahitmon. Aha do pangidoanmu parpudi ?
C : Inang baongku si B do nian naeng dongananku modom. Ido sahithu .
D : Husungkun pe alai ndang huboto manang na olo (Disungkun si D ma Eda na si B taringot tu ubat ni amantana si C).
B : Bah ianggo i do hape ubat ni amangbao i na mura do i. Jolo sehat ma amangbao i.
Dung i ro ma si B mamereng sahit ni amangbao na i jala didok ianggo i do na pamalum sahitmuna i boi ma i alai jolo sehat ma hamu.
Pintor hisar ma antong bohi ni Amanta i dung dibege baga baga i jala lam tu sehatna.
Dung sehat, ditonahon ma tu si B .
Andorang so bodari diseat si B ma dua manuk : sada na bontar songon warna ni kulitna dohot sada na birong songon warna ni kulit ni edana si E .
Pulik be do dilompa na dua i alai sarupa parmasakna.
Dung masak, dijou ma si C mangan. Diladeni si B.
B : Pangan hamu Amang hae hae sian na birong i.
C : (dipangan)
B : Pangan hamu hae hae sian na bontar on
C (dipangan)
B : Didia tumabo amang na bontar manang na birong ?
C : sarupa do inang
(songon i ma dilehon andora , habong dohot ulu sian na bontar nang na birong jala sai disungkun beha tabona) jala alus ni si C tong do hot sarupa do inang.
Dung sidung mangan dijou si B ma Edana dohot na namangalap ibana. Dung pungu nasida na opat. Diulakhon si B ma muse manungkun si C taringot dia na tumabo sian jagal manuk na dua i. Jala alusna SARUPA DO INANG.
Didok si B ma : "UNANG POLA TARHIRIM HAMU" . "NA DI AHU SARUPA DO DAI NI I TU NA DI EDA AN". "NDANG MARDIA IMBAR DAI NI NA BONTAR DOHOT NA BIRONG"

BY
Mangatas Sibarani - HUMOR DAN LAWAK BATAK TAPANULI