Molo mangallang jagal tangiang marganjang ganjang.

HUMOR DAN LAWAK BATAK TAPANULI

Molo mangallang jagal, pippit mata lompit tangan, tangiang marganjang ganjang.
Molo gulamo dongan ni indahan, amen ma, simalolong tu matani gulamo marsibollang bollangan.

Hea ma di sada tikki, manekket manuk ma Amani Polibex dohot Nai Polibex.
Dipanggang nasida ma manuk on, hmmm... mantaf ningon ma, mamentet mentet huruf ni enfon pe ro ijur niba mambayangkon.

Dapot ma tikkina laho mangan,
Nai Polibex : "baen tangiang i Pap"

Amani Polibex : "akh, dang huantusi, ho ma mambaen"

Nai Polibex : "iiihh... harus bisa dong Pap, sambil belajar biar terbiasa, Papa kan Kepala Rumah Tangga"

Toho tahe inna rohani Amani Polibex on, dipala palai ibana ma mambaen tangiang on, mangan ma nasida dengan mesra.

Parjolo ma Amani Polibex sae mangan, Nai Polibex asik dope mangkarati holi holi ni jagal manuk on. Tikki na lagi asik i Nai Polibex, dibuat Amani Polibex ma sigaretna, sangalsik dope di isap Amani Polibex pintor di bollang Nai Polibex on Amani Polibex on, "bahhh..... jolo cuci piring on" inna Nai Polibex on sambil disintakhon sigaret sian pamangan ni Amani Polibex on.

Songon dakdanak na hona murukan, dipapungu ibana ma piring on, diboan ma tu kamar mandi, mardongan emosi dicuci ibana na piring on alai malatang latangma cucian na on.

"nanget nanget baen Amani Polibeeeex, sanga puttar sada galas i, huputtar do ulumi da" inna Nai Polibex on gogo soarana sambil manusuk nusuk ngingi dan asik manonton sinetron GGS.

lam mabiar ma Amani Polibex on, nanget nangetma dicuci ibana piring on.
"ueee bagianki, holan namartangiang i do hape au Kepala Rumah Tangga" inna rohana huhut diharati ibana sabun.

by
Ayah Anre Simarmata