TIMPAL TOHO ....???

HUMOR DAN LAWAK BATAK TAPANULI

Adong ma sada keluarga natinggal dihuta dohot sada boruna kalas 2 SD.
Si Duma do goar ni boru na on, jala napistar do antong ibana disikkola.
Molo natoras na on antong BH do gelar ni halaki nadua alias Buta Huruf, alai ala rajin berusaha, gabe lumayan do ekonomi na.

Disada tikki mangkarejoi PR ma si Duma on, ima bahasa Indonesia dohot Geografi, jadi adong piga-piga soal dang boi dikarejohon ibana, jadi lao ma ibana sian meja belajar na tu ruang tamu mandapothon natoras na i.
Duma : "Bapa...oma... bantu hamu jolo au pasae hon PR on, alana sogot
ikkon sae do ninna guru nami nakin."
Oma : "Ai pelajaran aha mai da borukku?"
Duma : "Bahasa Indonesia dohot Geografi do oma."
Oma : "Bahasa Indonesia i, tarsongon dia ma huroa inang?"
Duma : "Bahasa Indonesia on 3 nai ma na sodapot hu, jadi naparjolo on
ma oma :"Polisi menguber-uber pencuri. ahama lapatan ni me-
nguber-uber i ?"
Oma : (Bingung)"Ai dang haru hea hubege hata on boru..manang na
on do ra :"Palisi meniram pessuri dohot mual marember-ember.
Bapa : "Aii.ho pe da oma Duma...laos mallaut do ho.. Molo pandapot hu
on do.., jala sittong do ra on :"Palisi membalbali pensuri."
(Antar songon na gede rasa amanta on)
Oma : "Nga apala toho na nidok ni bapa mi inang, ai dang parsuma
uju dakdanak juara do bapa mu on." ( di bela siadopan na i)
Duma : "Juara aha ma bapa tikki dakdanak tahe?"
Oma : "Juara marsabbil apporiiikkk..!!"
Duma : "Eeeehhh.. nirippu do... jadi nomor 2 on muse bapa :"aha ma
lapatan ni selayang pandang?"
Bapa : "aahh.. molo on gampang do on inang... selayang pandang....
lapatan na marlayang-layang sabbil mamereng pemandangan.
(Dohot inanta i mendukung 100 % huhut senyum pintar)
Duma : "Jadi na terakhir bahasa Indonesia ma...ahama lapan ni setali
tiga uang ?"
Oma : "Molo on au majo menjawab ate pa e, alana on ma na paling
gampang hurasa... jadi nga jelas inang boru hasian ku ikkon
putten 10 do ho marsogot... jadi molo satali tiga uang.. bahhh
sappotong mai tali.. jala tolu labbar hepeeenngg..!!"
(Massai marminar-minar bohi ni natoras ni si Duma i antong)
Duma : "Saonari bapa pelajaran Geografi ma, jadi on adong 4 soal na
so dapot hu, jadi naparjolo : "Apakah yang dimaksud dengan
selat ?"
(Marsiberengan pak Duma dohot ripe nai ala tung saotik pe dang diantusi nasida manang begu aha i, alai dang piga leleng songon na senyum ma bapak Duma, jala ninna ma :
Bapa : "Molo on nga jelas pasti sipangan on do on, jadi hurasa selat
ima gula hassar na dibaen tu roti ganda i (maksud na selai),
jadi dang lari be i jawaban i."
Oma : "Memang hebat do ho ate pa e, ido umbahen najolo pittor hatop
au mangoloi hatam."
Bapa : "Anggo i dah... so hu dok dope, nga pittor diundukkon ho."
Oma : "Ai ho nian pa e, dibukka ho do kartukku tu borutta on." (huhut
main mata).
Duma : "Nomor dua.... Gunung tertinggi di pulau sumatera ?"
Bapa : "molo i attong, surat boruk ku ma Pussuk Buhit.. ai goar na pe
nga pussuk... inama na tumimbo."
Duma : "Nomor tolu bapa on ma :aha ma goar ni ibukota propinsi
Sumatera Utara?
Bapa : "Pittor baen disi Tarutung... ai pasti ido alus nii."
Duma : "Na terakhir bapa : "aha ma agama terbesar penganutnya di
Indonesia?"
Bapa : "Aggaiyabaagg... ai gampang-gampang do sude jawaban ni soal i,
Jadi molo agama terbesar i baen ma HKBP."
Las hian roha ni si Duma on attong, pittor hatop ditutup ibana bukku pelajaran nai ala naeng hatop ibana laho modom.
Ia natoras na i attong, holan lao boru nai, pittor mesra ma halak i.
Alai marsogot nai dung mulak si Duma sian sikkola tu jabu langsung tumatangis ibana diadopan ni natoras nai huhut didok :
"Huuuuu....hhuuuu... ninna bapa dohot oma... nga sittong sude jawaban i, hape nakin dung diperiksa guru... putten nol do sude nani jawab muna ...huuuuu.....huuuuu.....">>>> Horassss

by
Arnold Sonang Siregar