Oppung Polibex

HUMOR DAN LAWAK BATAK TAPANULI

Di sada tikki liburan, mulak ma sude ianokkon ni Oppung Polibex.
Di bot ni ari laho mandapothon borngin, biasana kan, akka ina di dapur markombur kombur, adong na mangalompa, adong namanussi. Akka ama di ruang tamu marsarita i, mangolu tipi alai dang adong na manonton ala tabo ni mangkatai. Akka dakdanak marmeami, marikati tu jolo, marikati tu pudi.

Ro ma si Enjel ima tinodohon ni si Polibex tu abingan ni Oppungna. Maraek celana ni pahompukkon inna rohana, "basah nanna mu pung, pipis Enjel ya. o inang parumaen..., ganti hamu saluar ni pahompu on" inna Op Polibex on.

Nai Polibex lagi manggoreng bumbu jagal, hatop hatop ma ibana tu kamar, dibuka ibana tas, pintor dibuat saluar on pintor kaluar sian kamar unang sanga gosong na hugoreng an inna rohana.

"ganti ho hamu jo Amang, so sanga gosong na hulompa an" inna Nai Polibex on tu Oppung Polibex sambil dilean saluar on.

"Ejeeell... sini ganti nanna" inna Op Polibex. "hi hi hi.." mekkel si Enjel on marikati mandao lao tu balik ni horden pintu kamar.

"ciluuuuk... bah..., mmmmuuaa...." inna Op Polibex ditutup dibuka bohina on dohot salauar on, "hmmm... nanna Enje harummmmm... mmmuaaa... mmmuaaa..." inna Op Polibex huhut di umma i ibana salauar on.

"hik hik hik... cluk bah..." inna si Enjel sian balik horden sambil mengkel ekkel.
Sai songon i ma marulak ulak, "Enjeeel... ganti nanna boyu..." inna Nai Polibex sian dapur sambil mangalompa jagal.

Ro ma si Enjel, di dapothon ma Oppungna,
"ciluuukkk... bahh, mmmuaaa...." inna Oppung na on ma muse dibahen tubohina huhut sai di ummai salauar on.

"ganti nanna ya Enjel pahompu yang santik" inna Oppung Polibex on, dibuka ma lipatan ni salauar on laho mamakkehon tu si si Enjel Pahompu na on.
Tarsonggot ma Op Polibex jala tarhatotong dung dibuka ibana lipatan ni salauar on.

"bohhghhh.... besar kali nanna mu Enjel... Ai balga ma saluar ni Pahompu on Inang Parumaen..." inna huhut geleng geleng kepala.

"hi hi hiiikkk... nanna mama tu pung" inna si Enjel on huhut marikkati didapothon omakna.

Manggolap ma pamerangan ni Oppung Polibex, marrarama bohini Nai Polibex.

Hahaaa... I ma ala ni hede tu ianakhon, manuhor pakkean sai sarupa sarupa.

by
Ayah Anre Simarmata