jinalo do hamauliateon sian keluarga Amani Jaronggal godang na saratus ribu rupiah

HUMOR DAN LAWAK BATAK TAPANULI

- "dung simpul marjamita annon patupa mandurung tu jolo do hita bahen tumpak tu departemen sosial"

- "jinalo do hamauliateon sian keluarga Amani Jaronggal godang na saratus ribu rupiah, ala mangkilala nasida di akka pasu pasu na jinalo ni nasida sian Tuhanta, laos mangido tangiang anggiat lam tu dengganna ulaon manang usaha nasida"

"songon i ma tinting na masa di huriata, sai dipasu pasu Tuhan Debata ma nasa tinting namasa di huriaNa, mauliate, martangiang ma hita, bla bla bli bli....., Amen"

Dr pardalanan mulak marminggu,
Nai Polibex : "ai ise do Amani Jaronggal na ditinting i Eda?"

Nai Bilhem : "eeee... dongan sagarejam pe dang ditanda ho, sasektor ta do i, sipata ro ho antong partangiangan"

Nai Polibex : "baen ma nian Eda, repot namarpese pese on, na ganteng ganteng i do tahe i na malo marlawak i?"

Nai Bilhem : "daaang i, Simarmata do anggo i, molo naganteng i pintor ingot do ho"

Nai Polibex : "hehe.. lawak ni amantai do, sai mengkel iba dibaen"

Nai Bilhem : "na di jabu nami partangiangan ro do ho ate, na hundul di hambirang ni amang sintua siboan ende i ma"

Nai Polibex : "ooo.... hutanda do i Eda, partukkang peti mati na di sirpang tolu an"

Nai Bilhem : "bah bah, partukkang peti mati do hape i, sambor ma i, nga gabe ditangiangkon asa lancar usaha ni i, namandok asa hatop hatop do marmatean akka jolma on, uee... sai dao ma na so jonok"

by
Ayah Anre Simarmata