***** SI EDU NA PISTAR *****

HUMOR DAN LAWAK BATAK TAPANULI

Si Edu on dipakuliahon bapa na do tu Australia ala namora do bapa na on di huta, jala tokke haminjon do bapa na, dungi ala ni mora na sampe pola digelari Tokke Sora mahiang, jala muse si Edu on pe termasuk anak na pistar do diparsikkolaan na mulai sian SD sahat tu SMA uju i.
Jadi ala tahun 70-an do na masa on, alat komunikasi pe holan via surat do.

Dung adong hira-hira 5 taon dung di Australia si Edu, ro ma bapa na sian huta manongos surat tu anak na i, songon on ma isi ni surat na :
"Horas ma puang anak hasian... nunga boha sikkola mi puang... ai nunga 5 taon ho na di Australia i, jadi mulak ma jolo ho taon baru on ate.."
Pas tikki naeng taon baru, mulak ma si Edu on jala keluarga pe nunga ro manomu tu Polonia.
Sai dipamanat bapa ni si Edu ma akka na ruar sian pintu kedatangan luar negeri ala ni sihol na tu anak siappudan na i, jala tarbereng na ma anak na i... alai nunga lam tamba bottar be,... sai hera halak bulanda attong.
"Aiii... ho di Edu..??" ninna bapa na manise.
Si Edu ala sedang mangurusi akka barang na, gabe dirimpu ibana halak na manise, jadi dialusi ibana :
"Ohh... yes..fine... how do you do..!!"
Tarsonggot roha ni amana umbege alus ni si Edu : " Daggahhh.. fuang..holan 5 taon dope ibana di luar negeri.. nunga laos so diboto be marhata batak..." ninna amana i dibagas rohana.
Dung sahat nasida dihuta, pittor hatop do bapa na manukkun anak na :
"Boha do Edu... nga 5 taon ho na di Australia i, datung so dapot dope sarjana mi... nga dapot kan ??"
Ro si Edu mangalusi : "Imada bapa... alani kemajuan ni zaman i di sadu, gabe lalap do au bapa, jadi dang dope tammat kuliah au.."
Songon na kecewa bapa na... dungi didok ma :
"Baahh.. fuang... hape akka dongan magodang mu na dihuta on... nga adong naung gabe dokter...gabe sarjana hukkum... doktorandus...insiniur..dohot na asing dope.. bah.. hape ho... nga lima taon... laos so dapot mu dope... hape ho do na jolo juara sikkola.."
Jadi ro ma anak na i dohot santai mangalusi :
"Imada bapa... au pe tong do sai hupikkiri... ai hubereng bapa ni akka dongan hu... adong do camat...adong do kepala bagian... kepala sikkola...kepala kejaksaan...dohot na asing do pe... baahh... hape... bapa..??.. nanggo apala kepala lorong pe so dapot ni bapa..!!"
Gabe tarhatotong bapa na umbege hata ni anak na i... dungi ninna ma :
"Baaahhh... nga sarupa hita ateeehhh...jadi torushon ma na sikkola i ateeehhh... sappe dapot sarjana mi..."
"Olo bapa..!!" ninna si Edu huhut mekkel suping...

eqeqeqeqeqeqeqek.... sai adong do carita ni ngoluon
eqeqeqeqeq.
Maulia,,,,,,,,,,TE,,

BY Arnold Sonang Siregar - HUMOR DAN LAWAK BATAK TAPANULI