HUMOR DAN LAWAK BATAK TAPANULI
Pramugari TOBA Air( copas )
" Selamat datang ma di TOBA Air tu akka oppung, tulang, nattulang, inong2, among2, amangboru, nabboru, bapauda, ibotokku, akkang, hahaanggi, sude panuppang na huhaholongi hami.
Kapal habang on jenis BOEING, pittuna balga sada di jolo, sada nai di pudi, dohot pittu darurat dua di sapping.Pittu darurat on unang dibukka apalagi diukkit hamu. Siat 180 halak panuppang dht 2 pilot, jala 5 awak kabin. Tuani ma panuppang Batak sude .
Addorang so habang hita, pabollang hamu ma simalolong muna i tu au, asa hupatorang boha cara mamakke rahut ni gotting na di karosi i dohot binnen i. Rahut hamu gomos rahut ni gotting i sappe tarbege malletek, dungi rittak gomos, alai unang pagomoshu, annon sesak napas hamu gabe hebbor sude.
Jala saddaran ni karosi i, patigor hamu ma jolo sadihari sega kapal habang on manibbung tu laut, binnen nga diparade ditoru ni karosi i sada be, jadi unang pola marsigulut hamu. Pamasuk hamu ma binnen i tu rukkung muna be, dung i rahut hamu tali na digijjang ni ahai , dung i obbus hamu binnen i nanget2 sappe gobbung. Molo dang olo gobbung, rittak hamu pipana i kaluar sappe gobbung binnen i. Adong do lappu na, otomatis mangolu doi sbg sinyal. Molo nga manibbung hamu tu laut hape binnen i dang marna gobbung, ba pagodang hamu ma martangiang , ate.
Molo tekanan alogo di kabin on moru, otomatis haruar do annon masker panutup muccung dohot igung sian gijjang ni simajujung muna i manabbai hosa muna, warna hunik ate. Sotung marsigulut hamu, jala unang boan hamu mulak ate, sobbakku dihamu akka raja nami.
Kapal habang on bebas do sian timus ni sigaret, molo naeng marisap tumagonan ma di lapo tuak sabbil marnonang manang mabbahas Togel. Molo naeng koccing, adong do WC di pudi da, alai unang lupa ittor siram hamu ate, sotung bauan sude pangisi ni kapal on.
Kapal on diboan Kapt. Pilot si Togap sian Silibbat, dht Copilot si Dapot sian Garoga. Jaha hamu harotas na di karosi i alai unang diboan mulak da, sotung ditakkup Polisi hamu. Mauliate di hamu sude. Horas. "
( Loja nai iba patorakkon , alai sai martarobboi hamu....!!! )
BY
HUMOR DAN LAWAK BATAK TAPANULI
Tidak ada komentar:
Posting Komentar