HUMOR DAN LAWAK BATAK TAPANULI
Sian Judul na i, ra magigi hamu manjaha. Alai cerita on nyata do.Taon 70an masa do Dolidoli martandang jala somal do adong parpodoman ni Anakboru di angka Huta. Jotjotan sai jabu ni Namabalu do parpodoman ni angka Anakboru. Olo do sahat tu lima halak sapodoman. Dolidoli pe olo do lima halak sapartandangan.
Molo malam minggu rap lao ma rame rame martandang. Di jabu do manghata hata i. Ndang songon saonari on tu golap golap i lao padua dua.
Nasahali lao ma hami martandang . Lima halak hami na lao i .
Adong ma i na malo marcerita, na malo marhumor. Alai adong do si Ramut alias Raja muntut. Hugoari hami songon i ala boi diatur gogo dohot piga hali muntut satongkin
Dung sahat hami tu jabu parpodoman ni Anakboru marcerita ma. Sian na so pamotoan. Muntut gogo ma sahalak sian Anakboru i. Ra tung maila do ibana. Ai mengkel do hami sude. Hape pintor didok si Ramut " KWK ..KWK JAGO DO AHU KAN ? GOGO HIAN HUBAHEN." gabe hira ibana ma ma mamBOM i.
Ndang maila be Anakboru i.
Ala ni i do ra gabe marrongkap nasida. Ai andorang so i holan na marbada do nasida molo pajumpang binereng
BY
Mangatas Sibarani - HUMOR DAN LAWAK BATAK TAPANULI
Tidak ada komentar:
Posting Komentar