si Ogol di Medan dijabu ni Tulang na Amani Kekkuk

HUMOR DAN LAWAK BATAK TAPANULI

Dung adong sabulan lobi si Ogol di Medan dijabu ni Tulang na Amani Kekkuk namargoar si Jaonggal, disuruh Tulang na i ma si Ogol mambayar littirik.

"Ogol.., lao jo ho mambayar littirikta, diboto ho do kan?" inna Amani kekkuk, "akhh.. gampang do i Tulang, sai hera parhuta huta do au dibaen Tulang on" inna ibana dengan PDna dang sadar ibana naparhuta huta.

Lao ma ibana tu tempat pembayaran listrik dang pola dao sian jabu ni Tulang na i.
"tukiyem.., parjo... paino... laila.. domu.. togu..". dijou do goar sisada sada inna rohani si Ogol. Duduk manis ma ibana paima dijou. Nungnga habis jolma alai lalap dang dijou au inna rohana, lao tutup ma loket naeng mulak ma pegawai. "bang, uda mau tutup, bapak mau ngapain?" inna pegawai i, longang ma si Ogol, "ngappain? mau mabbayar littiriklah, kannapa akku tak kau panggil panggil" inna si Ogol mangalusi. "maaf , nama abang siapa?" inna pegawai i ma muse tarheran heran alana dang adong be rekening listrik di mejana.

"namaku si Ogol" inna ibana huhut kaluar mommonna. Bingung ma pegawai i huhut magigi sampe naeng muta mamereng mommon ni si Ogol marganjang angka sebelas.

"Abang mau bayar listrik siapa? tadi ada Abang kasi kertas rekening sama kami?" inna pegawai i. "mau membayar littirikna Tulangku, ini kertasna" inna si Ogol dipatudu rekening.
"oala bang, kok gak abang kasi tadi? besoklah bang ya, komputernya mati".

Mulak ma ibana, "ai boasa leleng ho Ogol, sampe sadari, nga dibayar ho?" inna Tulang na i ma, "dang dope Tulang, dang marna dijou goarhu sampe tutup pambayaran i" inna ibana huhut naeng tangis. "eee.. marhua nian jouonna goarmu, goar ni Tulang do dijou, holan sasada ho do bereku alai loakon, marsogot ma muse ulanghon" inna Tulang nai.

Marsogot na i pintor hatop ma ibana asa parjolo inna rohana. Dilean ibana ma rekening i pintor hundul ibana. Pintor di jou ma pegawai i ma "Jaonggal..." pintor jonjong ibana, "nama Tulangku itu, tunggu, tunggu dulu" inna ibana pintor marlojong ibana sagogona tu jabu.

"tulang.. tulang.. nga dijou goarmu" inna ibana huhut hosa hosa.
"uee... tahe, bagianki namarbere i" inna Tulang nai sambil diharati bajuna.

BY Ayah Anre Simarmata - HUMOR DAN LAWAK BATAK